作為五天工作的前線銀行職員，休息日不一定在星期六日。雖然我比較喜歡連放兩日，但其實放平日也不錯，可以輕輕鬆鬆光顧一些心儀已久的餐廳。早前難得有日平日假期，急不及待約那饞嘴的陳老師，一起光顧一間新晉餐廳Top Blade Steak Lab。思前想後，兩個人食好似唔夠開心，碰巧原來日同學從英國回港渡假，當然叫埋佢，加上我女友Helen小姐，四個人齊齊食好西。
餐廳開中午十二時，我驚死要等位，十一時三刻就和Helen小姐黎等。閒日有閒日的好處，早到咁多，當然唔驚無位，仲可以慢慢等佢開門。
此餐廳主打flat iron牛扒。其實光顧之前我實在唔知flat iron是牛的邊部份。Flat
iron 原來即是牛肩胛。有云此部位因為連筋，頗難處理，故多變成免治牛肉。今日竟有人視之為上品，似乎真獨具慧眼！食好西可擴闊眼界，此道理永恆不假。
餐牌有四樣野揀，兩款牛扒、一款豬扒、一款漢堡。頭也不回就揀牛扒。我們四人二人叫flat iron，二人叫guest
chef flat iron。前者件上，後者原塊上。食牛扒幾成熟從來是各有所愛，這方面我會請廚師話事，畢竟烹飪是廚師的專業，何必班門弄斧，弄得暴殄天物？
十來分鐘，端來四份牛扒。若我無記錯，我的guest chef flat iron steak 是medium rare。切落去可見肉仍是粉紅色，中有血水滲出，咬落夠嫰，毋須點汁都好好味，值得好專心咁慢慢品嚐其肉味。牛扒本身的肉汁落在薯蓉下同食，錦上添花。件上的flat iron都好食，但無肉汁落下的視覺享受。反而配菜燒蒜頭好正，好正，好正！火侯恰到好處，夠香，我食左兩個，非常滿足。
我女友很少對食物有評價。她竟大讚此店的薯條。此店薯條是任fill制，新鮮炸，薯條表面灑上黑松露鹽，唔太咸又夠味，如斯美食當前，我們只好連下數碟。
百零二百蚊食到高質素牛扒，難怪傳說夜晚要排個幾鐘。其實在香港很多地方都供應牛扒，但我口味漸變，現在不太喜好港式扒房(沙樂美/花園)，有d又太貴，呢間實在是填補了真空。
Top Blade
Steak Lab，位處何文田梭椏道4A號榮英大厦地舖。旺中行過去15分鐘左右，再唔識既，搵培正中學對面的匯豐分行，一行入去就係。
呢間野，我一定會encore。努力，唔好輸俾地產霸權。
沒有留言:
張貼留言